Үзәк  китапханәдә Бөтендөнья  туган тел көненә  багышланган  «Туган  телем - иркә  гөлем»  дип  исемләнгән   әдәби кичә уздырылды. Кичәнең  максаты - укучыларда  туган  телне, әдәбиятны  тирәнтен өйрәнүгә кызыксыну  уяту, халкыбызның бай, рухи мирасын барлаудан  гыйбәрәт иде. Балалар үзләре дә татар телендә туган тел турында шигырьләр сөйләделәр,мәкальләр конкурсында катнаштылар. Аларга  китапханәдәге сүзлекләр  ярдәмендә  тел турында викторина сорауларына  җавап эзләү  аеруча ошады.