15 март көнне, Акбуре авылының мөхтәрәм кешесе, хезмәт ветераны Хасаншина Мәдинә Исхак кызына 80 яшь. Аны олы юбилее белән тәбрик итеп, исәнлекле озын гомер теләп калабыз. Мәдинә апа 1959 елда безнең авылга килен булып төшә. Исмагыйл абый белән биш бала тәрбияләп үстерәләр. Биш оныклары, өч оныкчыклары бар. Хәзергесе көндә төпчек уллары Гусман һәм киленнәре Алсу тәрбиясендә бик тату гаилә булып яшәп яталар.