24 нче апрель көнне Акъяр Мэдэният йортындаГабдулла Тукайның тууына 132 ел тулу уңаеннан һәм Миләүшә Халикованың “Гомер юлы” шигырьләр һәм истәлекләр җыентыгын укучыга тәкъдир итү кичәсе булды. Бәйрәмгә китапны гамәлгә куючы, проект авторы, Зирекле авылы халык иҗаты һәм көнкүреш музееның фәнни хезмәткәре Газымов М.Г., китапның редакторы Мирхәйдәр Фәйзи исемендәге Шахмай авылы тарихы музее мөдире Сабирова Г.К., Бөтендөнья татар конгресының Яңа Чишмә бүлеге җитәкчесе, Шахмай урта мәктәбе директоры Хайруллин К.С., “Ак калфак” хатын – кызлар оешмасының район бүлеге җитәкчесе Дәүләтшина И.К., Акъяр авыл җирлеге башлыгы Гайнуллин Д.С., авторның күпсанлы дуслары , туганнары, авылдашлар җыелган иде. Китапханэче “Тукай шигърияте”,”Авылдашлар ижаты” исемле китап кургэзмэлэре оештырды, Габдулла Тукайнын “Туган авыл” шигырен,М.Халикованын “Шурэлегэ хат”ын укыды. Кичәдә Акъяр авылы турында видеоязма күрсәтелде. Тукайның “Кәҗә белән Сарыгы” Акъяр вариантында балалалар тарафыннан сәхнәләштерелде. Шулай ук “Акъяр сандугачлары” , “Акъярым” ансамбле һәм килгән кунаклар чыгыш ясады. Бәйрәмебезнең икенче өлеше матур итеп әзерләнгән чәй табыны артында дәвам итте.

, ,